Вести

Биљана Ивановска вратена на директорската позиција во Општа болница Куманово

Биљана Ивановска повторно е директорка на Општа болница Куманово. Таа само по еден месец откако беше назначена за директорка беше разрешена од министерот Фатмир Меџити без образложение.

За в.д. директор веднаш беше назначен д-р Фати Џемаили, уролог. Ваквата одлука предизвика бурни реакции кај граѓаните, бидејќи без причина е разрешена директорката, а болницата е оставена без единствениот уролог.  

„Професионално, чесно, одговорно и легитимно продолжувам на позиција менаџер на ЈЗУ Општа болница Куманово. Животот е полн со предизвици и како таков треба да го прифатиме. Во соработка со Министерството за здравство ќе ги реализираме проектите кои се дел од мојата програма, а се од исклучително значење за сите граѓани на Куманово и околните шест општини“, истакнува директорка Биљана Ивановска.

Сузана Андоновоќ