Вести
„Отворен ден со Царинската управа“ утре на градскиот плоштад во Куманово
„Отворен ден со Царинската управа“, утре, 25 март, од 10 до 13 часот на градскиот плоштад во Куманово, објави Бобан Николовски, директор на Царинската управа на Македонија.
Настанот се организира по повод одбележувањето на Денот на Царинската управа, со цел приближување на работата на Царината до јавноста, особено до младите.
„Важно е младите, како наша иднина, да имаат можност одблизу да се запознаат со работата на Царинската управа, како и со луѓето кои секојдневно придонесуваат за заштита на државата“, објави Николовски.
Посетителите ќе имаат можност да се запознаат со мобилните тимови, царинските кучиња, како и со дел од опремата што ја користи Царинската управа во своето работење.
Од Царинската управа упатуваат покана до сите граѓани да присуствуваат, да се информираат, да постават прашања и да придонесат кон градење на довербата меѓу институцијата и јавноста.
Сузана Андоновиќ
