Вести

Изложба на „Oлдтајмери“ на 11 октомври во Куманово

Изложба на стари автомобили , „олдтајмери“ на 11 октомври ќе има на градскиот плоштад во Куманово. Изложбата ќе биде во два дела, првиот на градскиот плоштад од 10 до 13 часот каде ќе бидат изложени автомобилите, а вториот дел ќе се одржи во паркот на Меморијалниот центар „АСНОМ“ во Пелинце со пикник на љубителите на олдтајмери, информираше Стефан Трендафиловиќ, организатор на настанот.

– Ќе има учесници од цела Македонија, а ќе гледаме да има повеќе учесници од Куманово и на тој начин сакаме да го одбележиме празникот „11 Октомври“. На изложбата ќе има учесници од Скопје, Велес, Свети Николе, Струмица, Кавадарци, а очекуваме и учесници од други градови , изјави Трендафиловиќ.

Тој информираше дека ако сакаат сопствениците на олтајмери да учествуваат можат да се пријават за учество, а изложбата сакаат да бидне традиционална за 11 Октомври, Денот на востанието .

Сузана Андоновиќ