Вести

Николовски: Куманово наместо прв индустриски центар во државата, нема ништо од три децениско владеење на СДСМ

Куманово требаше да биде прв индустриски центар во Република Македонија или најголем спортски центар во Куманово затоа што кумановци се познати по спортот, а спортот во Куманово е изумрен, Куманово требаше да биде и прв административно и културен центар, но во Куманово за жал нема ништо по 30 годишно владеење на СДСМ “ изјави претседателот на општинскиот комитет на ВМРО-ДПМНЕ во Куманово Бобан Николовски на денешната трибина Младински политики во рамки на акцијата „Ова е Македонија, за сите“.

Тој додаде дека поради девастираните, неквалитетните и погрешните политики на СДСМ кој со Куманово владеат 30 години Куманово е доведено дереџе на кое никако не заслужува да биде.

„Тезата која СДСМ и политичарите што него го претставуваат во Куманово се вадеа 12 години дека цело време додека ВМРО-ДПМНЕ беше на централна власт го кочело Куманово и не ставило ниту една шајка во Куманово, не дало ниту еден денар во Куманово затоа што локалната власт во Куманово цело време е во рацете на СДСМ“, истакна Николовски

Николовски е дециден дека картите сега се сменија и седма година СДСМ е на власт и запраша каде е просперитетот на Куманово?

„Бидејќи за прв пат СДСМ го изгуби Куманово на локално ниво по 30 години владеење тие го заборавија сега Куманово затоа што немаат веќе контрола над Куманово и немаат личен интерес“, кажа Николовски.

Не ја губиме надежда, кажа Николовски и ги повика сите граѓани на Куманово да се приклучат на ВМРО ДПМНЕ.

Сузана Андоновиќ