Вести

Учениците од кумановската гимназија со претставата ,, Нашата Коштана” учествуваа на фестивалот на гимназиски драмски претстави во Србија

Учениците од гимназија „Гоце Делчев“ Куманово со претставата „Нашата Коштана“ учествуваа на првиот фестивалот на гимназиски драмски претстави од Србија и регионот, ФЕСТ и МИР, во организација на земунската гимназија, соопштија денеска од гимназијата.

Од дваесетте пријавени претстави „Нашата Коштана“ беше селектирана во првите осум и доби можност да настапи пред стручното жири и земунска публика.

– Искрени честитки за колешка Сања Штрбац и сите колешки кои го реализираат овој прекрасен проект во која се слави драмската уметност и талентот на учениците. Моите ученици ја одушевија публиката со талентот, глумата, музиката и убавината. Домаќините нè воодушевија со одличната организацијата, топлиот пречек, за професионалниот однос кон драмата и учениците, за убавата дружба и новите пријателства. Се вративме дома со полно срце импресии, очекуваме награда и желба за нова средба и дружење, изјави професорката Соња Тодоровска.

Сузана Андоновиќ