Вести

Со украден автомобил удрил во надгробна плоча на гробиштата во Куманово

Штипјанец бил приведен во Куманово под сомнение дека украл пари и возило со кое подоцна удрил во надгробна плоча во кумановските гробишта.

Според информациите на полицијата , на 21.02.2023 во 09.40 часот, полициски службеници од СВР Куманово го лишиле од слобода С.М.(45) од Штип. Тој се сомничи дека со употреба на сила влегол во продажен објект на улица „Иво Лола Рибар“ и одзел пари и клучеви од патничко возило „пежо“ сопственост на Б.С., по што го одзел и возилото, со кое удрил во надгробна плоча на Градските гробишта во Куманово. С.М. бил приведен во полициска станица и по целосно документирање на случајот против него ќе следува соодветна пријава.

Сузана Андоновиќ