Вести

Започна со работа затворениот градски базен во Куманово

Од денес започна со работа затворениот градски базен, информираат од јавното претпријатие Куманово паркинг кој по одлука на советот на општина Куманово го презеде управувањето на базенот од Јавното претпријатие Чистота и зеленило.

Со 10 милиони денари ќе се вградат фотоволтаици и ќе се инсталираат и топлотни пумпи, со што во иднина затворениот градски базен во дел на енергетската ефикасност ќе биде независен од електрична енергија и гас, вели директорот на Куманово Паркинг, Сашо Петрушевски.

Тој се надева дека за еден месец ќе започнат со поставување на фотоволтаици, со кои ќе произведуваат елетрична енергија за свои потреби, а со топлотните пумпи потрошувачката на електрична енергија ќе се намали за 50 проценти.

Базените не се исплатлива инвестиција, а секаде функционираат со блок дотации, вели Петрушевски.

Генерално, базенот е сервисиран, условите се подобрени, топлината ќе биде на максимално пропишано правила, а хигиената на највисоко ниво информира Петрушевски.

Базенот беше затворен на 18 октомври, лани, поради високи сметки за електрична енергија и гас, како што објаснија тогаш од ЈП „Чистота и Зеленило“ кои во тој период менаџираа со базенот.

Цената на дневниот билет за користење на градскиот базен е 150 денари, а месечен билет ќе чини 3 000 денари.

Сузана Андоновиќ