Вести

Пожар во затвор во Кшање

Една просторија, соба, била опожарена во казнено поправната установа Кшање во Куманово, инфрормираат од регионалниот центар за управување со кризи.

-Веднаш е информирана противпожарната единица, полицијата, како и социјален работник, бидејќи лицето сместено во притворското одделение е малолетно. При извлекување на притворените од соседните соби еден полицаец од затворот е хоспитализиран поради задушување. Нема повредени осуденици. Пожарот е изгаснат, изјави директорот на затвор Кшање, Ненад Цветковиќ.

Пожарот бил изгаснат од страна на противпожарната служба која интервенирала со едно противпожарно возило и пет пожарникари, во период од 12 часот и 7 минути до 13 часот и 10 минути.

Причината за пожарот и материјалната штета допрва ќе се утврдува, информираат од регионалниот центар за управување со кризи Куманово.

Сузана Андоновиќ