Вести

Отворена изложба на фотографии од Македонската револуционерна борба

Во занаетчискиот дом во Куманово, денес беше отворена изложбата Ден на македонската револуционерна борба на која присутните имаа можност да разгледаат 20-тина фотографии од основачите на македонската револуционерна организација, заклетва, револвер, кама и устав, печат на кумановската револуционерна организација, устав на ТМОРО, текст од Илинденското востание, кои припаѓаат на историското депо на НУ Музеј-Куманово. Изложбата се оргнизира за првпат.

Претседателката на советот на општина Куманово, Ивана Ѓорѓиевска повика за во иднина, надлежните од Фондацијата за култура и спорт да посветат внимание и да се поканат ученици и други заинтересирани граѓани за изложби од историски карактер.

-Убав настан, забележав дека Фондацијата како организатор на настанот е недоволната посетеност, информираност на граѓаните. Вакви изложби треба да се видат од ученици, наставниците по историја да ги организираат и да ги разгледаат фотографиите од нашата богата историја, изјави Ѓорѓиевска.

Изложбата е во организација на Фондација за култура и спорт Куманово, под покровителство на градоначалникот и Советот на Општина Куманово.