Вести

Сончево време со температура до 28 степени

Во утринските часови времето ќе биде променливо облачно, во текот на претпладнето со умерена облачност.

Попладне облачноста ќе се намали и ќе биде претежно сончево. Ќе дува умерен до засилен ветер од северозападен правец. Минималната температура ќе биде во интервал од 10 до 20, а максималната ќе достигне од 20 до 28 степени.

Според информациите на УХМР, во Куманово претпладне со умерена облачност, а попладне претежно сончево. Ќе дува засилен ветер од северен правец. Минималната температура ќе се спушти до 15, а максималната ќе достигне 25 степени.

Во текот на работната седмица ќе се задржи стабилно време со постудени утра, до вторник и со пониска дневна температура. Од среда дневната температура повторно ќе се зголеми, позначително во четврток и петок, кога ќе биде натпросечно топло.