Вести

Превентивни активности на СВР Куманово за заштита од кражби и измами

Во рамки на оперативниот план „Безбедно лето 2022“, полициските службеници од отсекот за превенција при СВР Куманово одржаа превентивни активности заедно со претставници од Здружението на пензионери од Куманово, армиско-полициските ветерани, општина Куманово, Центарот за култура, Сојузот на училишни спортови, членови на училишните сообраќајни единици од ООУ „Бајрам Шабани“ и ООУ „Браќа Миладиновци“, шаховскиот клуб „Фишер“ Куманово, ОСБСП Куманово и претставници од шаховската федерација на РСМ, соопштија од СВР Куманово.

– Една од целите на оваа превентивна активност беше да се упати порака до пошироката јавност за поголема будност и внимание за заштита на својот личен имот од кражби по куќи и станови и други објекти, поголемо внимание од џебните кражби, измамите при набавка на огревно дрво во овој период од годината и запознавање со можните последици и законски санкции за употреба на огнено оружје на семејни веселби, наведуваат од кумановската полиција. Учениците-членови на училишните сообраќајни единици од основните општински училишта на граѓаните им поделија едукативни летоци. Отсекот за превенција на учесниците им врачи благодарници за нивното учество и придонес во спроведувањето на настанот.