Вести

Еврејската група од Куманово е префрлена во Скопје, МВР апелира на толеранција

Припадниците на религиозната еврејска група Леф Тахор која беше во Куманово од четвртокот се префрлени во Скопје од безбедносни причини.

Од МВР ни одговорија дека лицата го напуштиле Куманово.

-Лицата за кои прашувате го напуштија Куманово и во моментов се во Скопје. Потсетуваме дека овие лица ги почитуваат законите на Република Северна Македонија, се целосно со легален престој тука, и привремено престојуваат во нашата држава. Наведената група не претставува никаква опасност и апелираме на толеранција и солидарност кон истите, ни одговорија од МВР.