Вести

Честитки по повод националниот ден на Србите во Македонија од претседателот на Србија, АлександарВучиќ

На свечена Светосавската академија одржана во Куманово, а во организација на српската заедница во Македонија, амбасадорката на република Србија во Македонија, Невена Јовановиќ на сите граѓани од српска националност им го честиташе националниот ден на Србите и празникот свети Сава, пренесувајќи им ги честитките од претседателот на република Србија Александар Вучиќ.

– Во име на претседателот на република Србија Александар Вучиќ, ви ги пренесувам поздравите и честитките по повод свети Сава, национален ден на Србите во република Северна Македонија. Оваа е моето прво обраќање во Куманово по моето назначување за амбасадорка на република Србија во Македонија. Денеска република Србија на чело со претседателот на република Србија Александар Вучиќ и српската влада се труди да води политика на мир и добрососедски односи за поубава иднина по принципот да го чуваме нашето, а да го почитуваме туѓото, рече амбасадорката Јовановиќ.
Република Србија на систематичен и посветен начин се грижи за Србите во регионот и дијаспората, а тоа е добра мотивација да продолжиме по ист пат. Јас ви се заблагодарувам што го чувате српскиот идентитет, јазикот и писмото, нека е честит празникот свети Сава на сите Срби во Куманово и Македонија, рече амбасадорката Јовановиќ на светосавската академија во Куманово.