Вести

Илиевски му ја честиташе победата на Димитриевски

Илиевски му ја честиташе победата на Димитриевски

Кандидатот за градоначалник на Куманово од СДСМ, Оливер Илиевски, вечерва му ја честиташе победата на противкандидатот Максим Димитриевски, од граѓанската иницијатива „За наше Куманово“. Тој објави дека разликата во гласови е околу 6000 во корист на Димитриевски.

„Најпрвин сакам да им се заблагодарам на сите граѓани што денеска излегоа да гласаат и изборите поминаа во мирна и фер атмосфера. Во овој момент сакам да им честитам на победниците и порачам Куманово да го управуваат добро, да инвестираат и нашата програма ќе им стои на располагање. Сакам да ве информирам дека СДСМ освои 19.470 гласа, додека независниот кандидат заедно со ВМРО-ДПМНЕ и коалицијата, има освоено 25.470 гласови. Ова се неофицијални податоци што ги добивме од нашиот изборен штаб, од сите гласачки места“, кажа Илиевски на прес конференција.

Илиевски кажа дека и Советот на Општина Куманово најверојатно го има мнозинството со 17 советника, заедно со ВМРО-ДПМНЕ и Алијанста за албанците.

Radio Bum

October 31st, 2021

No Comments

Leave a Reply

Your email address will not be published. Required fields are marked *