Вести

За две недели ќе се набават брзите тестови за Ковид 19, а ќе чинат 800 денари – резултат за 15 минути

За две недели во државата ќе има брзи тестови за Ковид 19, ќе се прават за 15 минути, и ќе чинат до 800 денари. Доколку на тестот се покаже дека лицето е позитивно, мора да се потврди со ПЦР тест, а доколку е негативно нема потреба, значи точноста е 99 отсто, вели доктор, Виктор Исјановски, директор на Здравствениот дом Скопје и член на Комисијата за заразни болести.

Тестовите се одобрени од Светската здравствена организација и Министерството за здравство, а граѓаните може да закажуваат преку бесплатна телефонска линија која ќе биде достапна за сите.

Тестовите ќе бидат достапни за 15 дена, а пунктот каде што ќе може да се изврши тестирањето ќе биде во поликлиниката Ѓорче Петров во Скопје.

-Здравствениот дом е во прeговори со четири фирми кои имаат регистрирано дозвола од Светската здравствена организација за брзи тестови, пунктот ќе ни биде во поликлиниката Ѓорче Петров кој што е спремен за овие брзи тестови, луѓе не мора да фрлаат огромни суми пари, најевтиниот сега чини околу 50 евра или четири илјади денари, овие брзи тестови ќе се прават за 15 минути, и за граѓаните нема да бидат многу скапи, посочи директорот на Здраветсвениот дом.

Како што појасни, доколку на тестот се покаже дека лицето е позитивно, мора да се потврди со ПЦР тест, а доколку е негативно нема потреба, значи точноста е 99 отсто.