Вести

Куманово да се изземе од новите мерки кои ги усвои владата, граѓаните ги почитуваат мерките

Општинскиот штаб за заштита и спасување побара од владата, Куманово да го изземе од новите мерки , како превентива од коронавирус, за како што соопштуваат од штабот угостителите во Куманово и граѓаните ги почитуваат протоколите за работа и мерките за претпазливост. Во Куманово има 260 активни случаи , позитивни на Ковид 19.

Од штабот сметаат дека новите мерки ќе бидат лоши и ќе придонесат за поголемо групирање на младите во куќи и викендички, поради што ќе дојде до проширување на епидемијата.

,,Во врска со зголемување на мерките за заштита во ковид кризата и најавата за прогласување на денот недела како неработен ден за угостителските објекти, ОШЗС предлага на Комисијата за заразни болести при Министерство за здравство и Влада на РСМ од оваа мерка да се изземе Општина Куманово. ОШЗС Куманово смета дека мерките и препораките на Владата во угостителските објекти на територија на Општина Куманово се почитуваат на задоволително ниво и е потребно само дополнителна контрола од надлежни инспекциски служби.

– Сметаме доколку се донесе една таква рестриктивна мерка на тој начин ќе се зголеми групирање на млади луѓе во паркови, детски игралишта, организирање на забави во приватни куќи и викендици, при што ќе се зголеми ризикот од ширење на епидемијата.

– Апелираме до сите организатори и учесници на протестите поврзани со образовниот процес да се почитуваат мерките за носење на заштитна опрема и одржување на минимум два метри дистанца. Во спротивно, истите претставуваат голем потенцијален ризик за ширење на епидемијата помеѓу самите учесници на протестите, граѓаните и случајните минувачи.

– ОШЗС ја информира јавноста дека заклучно до денес 05.10.2020 година епидемиолошката состојба на територија на Општина Куманово е следна:

Вкупно регистрирани позитивни случаи 1473;

Вкупно оздравени случаи 1164;

Вкупно починати лица 49;

Вкупно активни случаи 260.