Вести

Забрана за движење во Куманово од петок од 21 часот до понеделник до 05 часот

Полицискиот час во Куманово зголемен, од вечерва од 21 часот до понеделник до 05 часот, а во работни денови од 16 часот до 5 часот.

Владата донесе одлука за забрана и посебен режим на движењето на населението (полициски час) во Општина Куманово, и тоа целосна забрана за време на викенд, почнувајќи од 21:00 часот во петок (денес) до 05:00 часот во понеделник.

Во работните денови, од понеделник до петок, забраната важи секој ден во периодот од 16:00 до 05:00 часот.
За земјоделските активности, дозволено е движење во рамки на територијата (атарот) на селата, исклучиво за работните потреби.