Вести

Две момчиња претепани во центарот на Куманово

Две момчиња на 21 годишна возраст биле физички нападнати и претепани во центарот на Куманово. Според информациите на МВР настанот се случил на  18.03.2018 година во 01,30 часот  на раскрсницата од улиците „Народна револуција“ и „Илинденска“ пред пицерија во центарот.  И.Ф. (21)  и Н.М. (21), двајцата од Куманово, застанале со патничко возило, а по кратко време им се доближиле две непознати лица и ги нападнале. И.Ф. и Н.М. побарале лекарска помош во општата болница во Куманово,  а И.Ф. поради констатирани тешки телесни повреди бил  препратен во комплексот клиники “Мајка Тереза“ во Скопје. Се преземаат мерки за расчистување на случајот.