Вести

Разбојник со нож ограбил вработена во маркет

Секторот за внатрешни работи Куманово, до Основното јавно обвинителтво Куманово, поднесе кривична пријава против Ф.А. (48) од Куманово поради постоење основи на сомнение дека сторил две кривични дела – „разбојништво“ по член 237 став1 и „разбојништво во обид“ . Според информациите од МВР   на 27  февруари  Ф.А. со закана со нож извршил разбојништво во обид во маркет на бул. „Октомвриска револуција“. Откако вработената почнала да вика , тој побегнал од местото без да одземе ништо. Исто така, пријавениот на 28. минатиот месец околу 18.30 часот во маркет на крстосницата од ул.„11-ти Октомври“  и ул. „Сава Ковачевиќ“ со закана со нож од вработената одзел 9.060 денари, по што побегнал. По преземени мерки и извршен претрес, врз основа на судска наредба, Ф.А. бил приведен и задржан во полициска станица. Во службен разговор тој го признал и појаснил начинот на извршување на делото.