Вести

Димитриевски: Ќе продолжиме со аеросолизација, мерката покажала намалување на загаден воздух за 65 проценти

Со метода на аеросолизација загадувањето на воздухот во Куманово се намалува за 65 % , изјави градоначалникот на Општина Куманово Максим Димитриевски.

Вечерва во Куманово по пети пат се спроведе методата на аеросолизација во делот на мерката за намалување на загадување на воздухот , а вечерва паралелно со аеросолизација се врши и перење на улиците.

Градоначалникот вели дека аеросолизацијата ја  работат заедно со јавното претпријатие Чистота и Зеленило, надлежните општински служби, професори од Земјоделскиот факултет и Финки и СВР Куманово.

“Со оваа метода на аеросолизација досега констатиравме дека  загадувањето на воздухот се намалува до 65 % што значи дека ќе продолжиме се додека имаме зголемување на загаденоста на воздухот” – изјави градоначалникот Димитриевски.

Тој вели дека причините за загадувањето се уште не се детектирани, но првенствено доаѓа до загадување поради несогорување на соодтветен огревен материјал од страна на граѓаните како и зголемување на сообраќаен метеж во централното гратско подрачје и во одредени делови на градот каде фреквенцијата на возилата е поголема и каде граѓаните се затоплуваат со различен вид на цврсти горива, а таму загадувањето е поголемо, изјави градоначалникот на општина Куманово, Максим Димитриевски.