Вести

Со свечена литургија одбележан Свети Сава во Старо Нагоричане

Со свечена литургија по повод Свети Сава во храмот на Свети Ѓорѓи во Старо Нагоричане беше одбележан еден од  најголемите празници на србите и учениците. Традиционално на празникот кумот на Свети Сава годинава е Јовица Спасовски , директор на Македонски Пошти, Куманово. Тој посака здравје , љубов , среќа и мир за сите и му го предаде кумството на Зоран Бојковиќ кој ќе ја продолжи традицијата за одбележување на Свети Сава во Старо Нагоричане.

На свечената литургија присуствуваа и министерот за внатрешни работи Оливер Спасовски, градоначалниците на Куманово и Старо Нагоричане Максим Димитриевски и Жаклина Јовановска.