По неколку години во Извршниот одбор на ВМРО ДПМНЕ на претседателот Христијан Мицковски има член од Куманово.
Бобан Николовски, претседател на Општинскиот Комитет на ВМРО ДПМНЕ, Куманово и директор на македонската царина е член на Извршен комитет, највисоко партиско тело.
Како што кажа претседателот на ВМРО-ДПМНЕ и премиер Христијан Мицкоски вечерва по завршувањето на Централниот комитет донесена е одлука за избор на нов ИК за кој кажа, „претставува спој меѓу искуството и дел од луѓето кои се веќе дел од претходните состави на ИК и нови членови кои заедно со оние кои во минатото беа дел од ИК ќе го формираат новиот Извршен комитет“.
– Овие одлуки се јасен показател дека партијата се менува, и се прилагодува на новите предизвици, нашата цел е создавање силна, ефикасна и обединета структура која ќе даде конкретни и одговорни решенија за потребите на граѓаните, нагласи Мицкоски.
Бобан Николовски, во изминатиот период покажа успешни резултати во македонската царина со највисока месечна наплата на приходи и реализирани проекти и резултати во Општинскиот комитет на ВМРО ДПМНЕ, каде главниот фокус на Николовски беше обединување на членството.
Тој по изборот на Централниот Комитет на својата Фејсбук страна објави:
Постојат признанија кои не бараат аплауз, туку обврска. Изборот за член на извршниот комитет на ВМРО-ДПМНЕ за мене претставува баш тоа, знак дека она што го правиме има смисла и континуитет.
Благодарен сум на Претседателот Христијан Мицкоски на довербата која не се добива лесно.
Продолжувам исто како и досега, фокусирано, мирно и со вера дека политиката се гради со резултати, а не, зборови, објави Николовски.
https://www.facebook.com/photo?fbid=968555205696948&set=a.114451957773948
Сузана Андоновиќ