Девојчето, за кое вчера беше пријавено дека исчезнало е пронајдено живо и здраво во Скопје. Од Секторот за внатрешни работи Куманово информираат дека девојчето кое има шест години само се качило во гратски автобус, а подоцна кога сакало да се врати по грешка се качило во автобус за Скопје.
- На 14.04.2025 во 15.00 часот во СВР Куманово, С.Т.(28) од Куманово пријавила дека нејзината шестгодишна ќерка се оддалечила од домот. Девојчето било пронајдено на подрачјето на Гази Баба во Скопје, а по извршен службен разговор било утврдено дека девојчето најпрвин влегло во градски автобус кој превезувал патници до центар на Куманово, а потоа по грешка, наместо во автобус за враќање до домот, девојчето влегло во автобус кој сообраќал до Скопје, каде била пронајдена од случаен минувач, информираат од СВР Куманово.
Сузана Андоновиќ