Амбасадорот на Кралството Шпанија во Република Македонија, Хозе Луис Лозано Гарсија, денес ја посети гимназијата Гоце Делчев во Куманово, каде заедно со писателката Карла Делала ја промовираа нејзината стихозбирка на шпански јазик.
- Шпанскиот јазик е универзален јазик и учењето на јазикот го сметаме како можност за развој. Особено ми е драго за посетата на кумановската гимназија каде се изучува шпанскиот јазик и можеме заедно со авторката Карла Делала да ја промовираме нејзината книга, стихозбирка и шпанската култура, изјави амбасадорот Гарсија.
Во кумановската гимназија Гоце Делчев од 2001 година како трет јазик се изучува шпанскиот јазик, информираше директорката Марија Тодоровска.
Сузана Андоновиќ