Општинската организација на СДСМ од Куманово со писмена реакција за едногодишниот мандат на градоначалникот Максим Димитриевски, кој веќе една година не е член на СДСМ.
Една година од владеењето на Максим во Куманово.
Една година партиски вработувања.
Една година терор врз неистомислениците во општинските институции.
Една година гол популизам и замимавање со надворешна политика, наместо решавање на проблемите на граѓаните.
Една година без ветуваните катни гаражи.
Една година без паркови и зелени површини.
Една година недомаќинско работење на општинските институции.
Една година неспособно управување и менаџирање на сите општински установи.
Една година поставување раководни кадри и вработувања во договор со ВМРО ДПМНЕ.
Една година како Максим се одолжува на ВМРО ДПМНЕ и обработува за добиените вмровски гласови, задоволувајќи ги нивните апетити за раководни функции.
Една година од неспособното владеење на „Наше Куманово“ и ВМРО ДПМНЕ на чело со Максим Димитриевски, кој впрочем е поголем вмровец од вмровците.
Куманово и кумановци се разочарани. На општината и се потребни решенија за многубројните проблеми. На градот, приградските населби и селата не им треба гол популизам и меѓународна политика, потребни се капитални инвестиции, се вели во соопштението на ОО СДСМ Куманово.