Никола Бојковски од Куманово е среќното момче кој го фати светиот крст на Водици во базенот во црквата Свети Никола. Тој има 29 години, а годинава за прв пат имаше среќа да го фати крстот.
– Посакувам здравје, среќа, мир и благосостојба за себе, моето семејство и за сите луѓе, изјави Бојковски.
Тој е невработен, а како што кажа има свој бизнис со кој наскоро ќе започне и да работи.
Денеска по светиот крст на централната прослава во храмот на Свети Никола во Куманово, скокнаа 21 момче, а најсреќниот беше Никола Бојковски.
Тој од Кумановско-осоговската епархија прими подарок икона, а подароци прими и од градоначалникот на општина Куманово.