Четири дена го нема 10 годишниот Џенгис Асани од Средорек, кој што според изјавата на таткото, Африм, во саботата околу 15 часот излегол од дома и веќе не се вратил.
Африм го пријавил случајот во СВР Куманово и очекува повратни информации од полицијата во врска со исчезнувањето на детето. Асани информира дека син му кога излегол од дома носел црвена јакна и ги замолува граѓаните да помогнат во потрагата, а доколку го забележат детето да се јават во полиција или на неговиот телефонски број 075 844 348.
Исчезнатото момче Џенгис Асани е роден на 24.10.2009-та година.
Од СВР Куманово потврдија дека случајот е пријавен од таткото на исчезнатото дете. Според СВР Куманово, на 27.10.2020 –та година А.А пријавил дека Џ.А. излегол од дома на 24.10.2020-та година и се уште не се вратил. Полицијата превзема мерки за расчистување на случајот.
Радио Бум дознава дека детето е веќе евидентирано во полицијата за кражба, неофоцијално и порано го напуштало домот.