Вести

Пешевска -Возбудата за наградата е голема, уште сум под емоции и наградата ми е посебно драга

Пешевска -Возбудата за наградата е голема, уште сум под емоции и наградата ми е посебно драга

Со улогата на Џин, во претставата „Телефонот на мртовецот“ актерката Александра Пешевска ја доби наградата за најдобро актерско остварување на фестивалот на камерен театар „Ристо Шишков“ во Струмица.

Возбудата за наградата е голема, уште сум под емоции и наградата ми е посебно драга , – вели Пешевска.

На Пешевска ова е деветта претстава на која работи со режисерот Александар Ивановски, а улогата колку и да е тешка, толку се помни и остава впечаток и на публиката и кај актерот, вели таа.

– Сакам да ги поканам љубителите на театрот да ја проследат претставата и ликот кој е награден на фестивалот да дојдат во кумановскиот театар во сабота на 19 септември во 20 часот . Улогата на Џин бараше исклучителен напор, но чувството уште кога ја подготвувавме беше истовремено убаво. Ова е деветта претстава на која работам со режисерот Александар Ивановски и точно знаев дека ќе биде габаритна улогата, но колку и да е тешка, толку повеќе ја помниш и повеќе остава впечаток и на публиката и кај актерот. Беше големо задоволство да се работи и со режисерот и екипата, рече Пешевска. Актерката работи од студентски денови и има играно во преку педесетина претстави, претежно главни улоги.

Режисерот Ивановски на денешната прес-конференција кажа дека со Пешевска соработувале уште од студентски денови, нагласувајќи дека ова е првпат актер со кој соработува да добие високо признание-најдобро актерско остварување.

– Годинава сосема заслужено, зборувам со целиот интегритет од процесот на работа и неколкуте изведби пред кумановската публика, тоа место меѓу лауреатите ѝ припадна на Александра, актерка, која целата кариера ја поминува во кумановскиот театар и има креации кои се завидно, професионално, театарско ниво, рече Ивановски.

За кумановскиот театар, режисерот рече дека е задоволство да се работи, бидејќи актерите истражуваат, вклучително и со Пешевска за која рече дека е искрена кон публиката.

Претставата во Куманово беше изведена во февруари, годинава. Драмскиот текст „Телефонот на мртовецот“ претставува свет во кој дискретниот хуманизам се распаѓа, дури и смртта ја губи својата конечност, се замаглува границата на тоа кој е мртов, кој е жив. Покрај, Пешевска во оваа претстава играат и Кети Дончевска Илиќ, Горан Илиќ, Марко Трајковиќ, Александра Михајловска, Владанка Димковска.

radiobum

September 16th, 2020

No Comments

Leave a Reply

Your email address will not be published. Required fields are marked *