Вести

Спасовски: Покажавме дека и во пандемија може да се организираат фер избори

Спасовски: Покажавме дека и во пандемија може да се организираат фер избори

„Како Влада покажавме дека навистина можеме и во вакви услови на пандемија, на сериозна здравствена криза, да се организираат фер, демократски, слободни избори и, пред сѐ, безбедни за здравјето и животот на граѓаните“, изјави техничкиот премиер, Оливер Спасовски, по остварувањето на гласачкото право во Куманово.

Спасовски, кој е носител на кандидатската листа на СДСМ и коалицијата „Можеме“ во Втората изборна единица, рече дека било важно граѓаните да гласаат на овие избори за да се реши патот на државата.

„И во услови на оваа пандемија многу е важно денеска граѓаните да излезат масовно на избори и слободно да ја изразат својата волја – да видиме врз основа на одлуката каде ќе се движи државата во наредниот период. Ова е сериозен предизвик заради тоа што во вакви сериозни времиња, и одговорноста на секој граѓанин е навистина голема, со цел да воспоставиме институции што се ефикасни, институции што се со полн легитимитет и ќе може да носат одлуки во наредниот период за зачувувањето на здравјето, да носат одлуки за подобрување на економската состојба во државата“, додаде Спасовски.

Igor Andonovik

July 15th, 2020

No Comments

Leave a Reply

Your email address will not be published. Required fields are marked *