Вести

Претставата „Ревизор“ вечерва во Кумановскиот театар

Претставата „Ревизор“ вечерва во Кумановскиот театар

Младите актерите кои дипломираа на Факултетот на драмски уметности во Скопје, во класата на Мими Таневска Србиновска и Ангелчо Илиевски, денеска (вторник) во 20 часот во Театар Куманово, ќе ја играат претставата „Ревизор“ по текст на Николај Васиљевич Гогољ.

Проектот е финансиран од Министерството за култура, во рамки на манифестацијата „Нов културен бран 2019“.

„Ревизор” е социјална и морална сатира која ја играат 12 актери, според текстот на Николај Василевич Гогољ. Истата вклучува 5 чина кои се изведуваат во времетраење од 90 минути. Целта на претставата е преку комичен начин да ја прикаже корупцијата која постои во една руска провинција. Дејството се одвива во Русија во првата половина од 19 век каде во едно мало село се очекува да пристигне важна личност – ревизор. Но, на местото на важната личност, доаѓа некој друг за кој сите претпоставуваат дека е ревизорот. Целата конфузија создава комични сцени, анегдоти и неочекувани настани и недоразбирања.

Ликовите во претставата ги играат:Томислав Давидовски, Стефанија Митовска, Наталија Ристеска, Благој Јовановски, Виктор Велевски, Исмет Шабановиќ, Стефан Спасов, Дарко Ристовски, Maрјан Наумов, Кристијан Танчевски, Изабела Јакимова и Ана Димитров.

Претставата е изведена повеќе од 15 пати на Факултетот за драмски уметности, Драмскиот театар во Скопје, Театар комедија во Скопје, Прилепскиот театар „Марко Цепенков“, на фестивалот „Војдан Черднодрински„ и меѓународниот студентски театарски фестивал Дионис во Хрватска, каде освои награда за најдобра претстава. Популарноста на претставата беше искористена и за обезбедување средства за хуманитарни цели.

admin

November 12th, 2019

No Comments

Leave a Reply

Your email address will not be published. Required fields are marked *